جاپان کے دارلحکومت ٹوکیو میں بین الاقوامی روبوٹس کی نمائش کا آغاز کردیا گیا ہے جہاں دنیا بھرکے مشہور کمپنیوں کے نت نئے ذہین روبوٹس سمیت مختلف ڈرونز بھی نمائش کے لئے پیش کئے گئے ہیں۔
روبوٹس سے سجے اس میلے میں شہریوں سمیت دنیا بھر سے لو گ بڑی تعداد میں یہاں شرکت کے لئے پہنچ رہے ہیں جہاں جدید اور منفرد طرز سے بنائے گئے روبوٹس اور جدید ٹیکنالوجی سے مزین ڈرونز ان کی توجہ کا مرکز بنے ہوئے ہیں۔
اس نمائش میں جہاں سبزیوں کو پیک کرنے والے جدید روبوٹس شائقین کی توجہ کا مرکز بنے نظر آئے وہیں انسانی صلاحیتوں کے حامل روبوٹس نے بھی شائقین کی توجہ اپنی جانب مبذول کروالی ہے۔
