بابر سہیل بٹ کی شہادت پر پاکستان پیپلز پارٹی یورپ کے راہنمائوں کا اظہار افسوس ، پنجاب میں سیاسی راہنمائوں پر حملے کو تشویشناک قرار دیدیا

پیرس؍برلن؍بیلجئم؍بارسلونا؍روم(نمائندگان یس اردو نیوز) پاکستان پیپلزپارٹی یورپ کے راہنمائوں کا پی پی راہنمابابر سہیل بٹ کی قاتلانہ حملے میں شہادت پر شدید غم غصہ کا اظہار کیا اور یس اردو سے بات کرتے ہوئے پنجاب حکومت کی نااہلی پر شدید احتجاج کیا،۔ پاکستان پیپلز پارٹی اوورسیز کے راہنمائوں نے اس موقع پر فاتحہ خوانی کی اور شہید کے لواحقین کیلئے صبر جمیل کی دعا کی۔

پیپلز پارٹی فرانس کے آرگنائزر قاری فاروق احمد نے کہا کہ بابربٹ کو شہید بھٹو کے ساتھ بے لوث محبت کی سزا دی گئی۔ پنجاب حکومت کو اللہ کے قہر سے ڈرنا چاہیے۔ بابر بٹ کے یتیم بچوں کی آہیں اور سسکیاں اس کی بے جرم شہادت کا استغاثہ ہیں

پیپلز پارٹی جرمنی کے سینئر راہنما زاہد عباس شاہ اور پی پی بیلجئم کے سینئر راہنما میاں محمد اجمل  نے کہا کہ سہیل بٹ کے قاتلوں کو قانون کے کٹہرے میں لائیں گے۔ قاتلوں کو ہر صورت گرفتار کرا یا جائے اور اس وقت تک سیاسی جماعتوں کو حکومت کا بائیکاٹ کر دینا چاہیے

پیپلز پارٹی اٹلی  کے سینئر راہنما  ناصر علی رانجھا اور  سید کفایت نقوی نے کہا ہے کہ بابر سہیل بٹ کا قتل نہایت افسوسناک واقعہ ہے اور اس سے قبل شوکت بسرا پر بھی قاتلانہ حملہ کیا گیا تھا

 پیپلز پارٹی سپین کے راہنمائون چوہدری ساجد گوندل اور سکندر گوندل  نے کہا ہے کہ لواحقین کوانصاف کے لیے کارکنان متحد ہو جائیں کیونکہ  حکومت کی جانب سے ابھی تک کسی قسم کی کارروائی عمل میں نہیں لائی گی۔ بلکہ پی پی راہنمائوں پر پنجاب میں حملے تیز کر دیئے گئے ہیں۔ پنجاب حکومت کسی بھی واقعہ کے بعد فیکٹ اینڈ فائنڈنگ کمیٹی بنا دیتی ہے لیکن نتائج نہیں نکلتے جس سے پنجاب حکومت کی بدنیتی کھل کر سامنے آگئی ہے۔

پیپلز پارٹی فرانس کے راہنمائوں رانا شاہد ریاض ،ظہیر ستی، سید کفایت حسین نقوی ، ملک مظہر، چوہدری محمد رزاق ڈھل،رائو عارف ندیم اور عبدالستار ملک نے اپنے بیان میں واقع کی شدید مذمت کرتے ہوئے اسے پنجاب کی سیاسی تاریخ کا سیاہ دن قرار دیا ہے اور کہا ہے کہ بابر بٹ کی شہادت جمہوریت کے راستے میں رکاوٹوں کا نقطہ آغاز ہے۔ پنجاب میں لیگی آمریت کے خاتمے کیلئے ورکرز کو متحد ہو کر جدو جہد کرنی پڑیگی۔