88 uanaskrayuard

لاس اینجلس ……اس سال کے ہالی وڈ فلم انڈسٹری کے سب سے بڑے ایوارڈ میلے آسکربیحد متنازعے ثابت ہوئے ہیں ،گزشتہ روز88ویں آسکر ایوارڈزکیلئے نامزد اداکاروں کیلئے بیورلے ہلٹن ہوٹل میں سالانہ ظہرانے کا اہتمام کیا گیا۔
جس میں راچل میک ایڈمز ، لیونارڈوڈی کیپریو،اور جینیفر لارنس سمیت150افراد پوری سج دھج کے ساتھ شریک ہوئے، تاہم کوئی بھی سیاہ فام اداکار یا ہدایتکار شریک نہیں ہوا۔تقریب کے شرکاء میں اداکارہ الیسیا ویکنڈر، جینیفر جیسن ،شارلیٹ ریمپلنگ، سیوس رونان رونی مارا، لیڈی گاگا ،میٹ ڈیمن، سلویسٹرا سٹیلون ،مارک روفالو بری لارسن،ایڈی ریڈمائن، جیکب ٹریمبلے، الجینڈرو گونزالیز اور گلوکار سام ا سمتھ بھی شامل تھے جبکہ بہترین ڈائریکٹر کیلئے نامزد پانچوں ڈائریکٹر بھی ریڈ کارپٹ پر موجود تھے۔لیکن برائن کرانسٹن ،مائیکل فیسبینڈر، کیٹ بلانچٹ، ٹام ہارڈی اور کیٹ ونسلیٹ کی عدم موجودگی شدت سے محسوس کی گئی۔اس بار اکیڈمی ایوارڈز کی تقریب 28 فروری کو ہو گی، لیکن تمام ایواردز کیلئے نامزد فنکار سفید فام ہونے کی وجہ سے کئی اداکاروں نے تقریب کے بائیکاٹ کا اعلان کر رکھا ہے