اٹک: نواحی علاقے کھنڈہ موڑ میں مسافر وین اور ٹرالر میں تصادم کے نتیجے میں 2 خواتین سمیت 7 افراد جاں بحق جبکہ 11 افراد زخمی ہوگئے۔

7 killed, including 2 women stuck in traffic accident in Attock

یس نیوزکے مطابق جنڈ کے مختلف علاقوں سے تعلق رکھنے والے افراد مسافر وین کے ذریعے ہری پور دربار پر حاضری دینے کے بعد واپس آرہے تھے کہ ان کی اٹک میں کھنڈہ موڑکے قریب گاڑی موڑ کاٹتے ہوئے ڈرائیور سے بے قابو ہو کر مخالف سمت سے آنے والے ٹرالر سے ٹکرا گئی، جس کے نتیجے میں 2 خواتین سمیت 7 افراد جاں بحق اور 11 زخمی ہو گئے۔

پولیس کا کہنا ہے کہ جاں بحق افراد میں ایک ہی خاندان کے 3 افراد بھی شامل ہیں جبکہ زخمیوں کو طبی امداد کے لئے اسپتال منتقل کردیا گیا ہے جہاں 5 زخمیوں کی حالت تشویشناک بتائی جا رہی ہے۔