یونان سے 68 پاکستانی ڈی پورٹ

راولپنڈی : یونان کے راستے یورپی ممالک جانے کے خواہشمند 68 پاکستانی ڈی پورٹ کر دیئے گئے ۔ براستہ استنبول آنے والی پرواز سے 68 پاکستانیوں کو بے نظیر انٹرنیشنل ایئرپورٹ پر پہنچایا گیا، جنہیں یونانی حکام نے ملک میں غیر قانونی طور پر داخل ہونے پر تحویل میں لیا تھا، امیگریشن حکام نے کوائف کی تصدیق کے بعد انہیں پاسپورٹ سیل بھجوا دیا۔ واضح رہے کہ پچھلے 3 سال میں مختلف ممالک سے کم از کم 266،000 پاکستانی بے دخل ہوچکے ہیں ، ان ممالک میں سر فہرست سعودی عرب ہے جہاں سے تقریبا ڈیڑھ لاکھ پاکستانی ڈی پورٹ کئے جا چکے ہیں۔