امریکا میں کروڑ پتی تاجر کی چہیتی پالتو بلیاں پراسرار طور پر ایک ایک کرکے غائب ہو گئیں جن کی تلاش کرنے والے کے لیے اس نے 20 ہزار ڈالر انعام کا اعلان کیا ہے۔
فلوریڈا: (یس اُردو) امریکی تاجر سٹیو روزن نے اپنی گم ہو جانے والی 6 بلیوں کی تلاش کرنے والے کے لیے 20 ہزار ڈالر انعام کا اعلان کیا ہے۔ تاجر کا کہنا ہے کہ ان کی بلیوں کے سامنے یہ رقم بہت معمولی ہے۔ تاجر کے مطابق گزشتہ سال مارچ سے اس سال فروری کے دوران ان کی 6 بلیاں چوری یا غائب ہو چکی ہیں جن کا کوئی پتا نہیں لگ سکا۔ امریکی تاجر نے بلیوں کو دیکھنے کے لیے اپنے گیراج میں کیمرہ سسٹم بھی نصب کیا تھا لیکن اس سے کوئی مدد نہیں ملی جبکہ ہر بلی کو ریڈیو کالر پہنایا گیا تھا لیکن ایک بلی سے بھی سگنل موصول نہیں ہوا جس کا مطلب یہ ہے کہ چور بہت چالاک ہے۔ سٹیو روزن کے مطابق وہ اپنی بلیوں کو بہت عزیز رکھتے ہیں اور وہ ہی ان کی دنیا ہیں، وہ بہت پر امید ہیں کہ جلد ہی ان کی پیاری بلیاں ان کے پاس ہوں گی جبکہ انہوں نے بلیاں نہ ملنے کی صورت میں رقم مزید بڑھانے کا اعلان بھی کیا ہے
