آج 17 اگست یوم نجات ، جب پاکستان کی تاریخ کا بد ترین آمر اپنے انجام کو پہنچا، اسلامی قوانین اور تحمل وبرداشت کو سرکاری فتووں کے ذریعے انتہا پسندی میں بدلنے کی مذموم سازش کا ماسٹر مائنڈ عبرتناک انجام سے دوچار ہوا، قاری فاروق احمد
پیرس(یس اردو نیوز) پاکستان پیپلز پارٹی یورپ کے چیف آرگنائزر قاری فاروق احمد نے 17 اگست کو جنرل ضیا الحق کی برسی پر اپنے تاثرات میں اس سیاہ ترین مارشل لائ کی تلخ یادوں کو قلمبند کراتے ہوئے کہا ہے کہ سترہ اگست یوم نجات ہے جب تاریخ کا بد ترین آمر عبرتناک انجام سے دوچار ہوا۔ جس کو انتہا پسندوں کا امیر المومنین ہونے کا لقب ملا اور جس شخص نے اسلام کی غلط توجیحات لوگوں کے سامنے پیش کر کے حقائق کومسخ کرنے کی مذموم سازش کی
انہوں نے کہا کہ دین اسلام ہمیں تحمل وبرداشت سکھاتا ہے مگر جہاد جیسے سچے جذبے کو انتہا پسندی میں بدلنے کیلئے نت نئے فتووں کا سہار ا لے کر آج کی فرقہ وارانہ دہشتگردی کی عمارت کی بنادیں ضیا الحق نے رکھیں۔ انہوں نے کہا کہ سیدھے سادھے مسلمانوں کو دیوار سے لگانے میں آمر نے اہم کردار ادا کیا اور خارجی عقائد کو پروان چڑھانے کیلئےایڑی چوٹی کا زور لگانے والے جنرل ریٹارئڈ ضیا الحق کو تاریخ کبھی معاف نہیں کرے گی وہ دین اسلام کا بھی مجرم ہے اور جمہوریت کا بھی جس نے آئین سے کھیل کر غداری کی
آج وہ دن ہے جب وقت کا ظالم و جابر فرعون ہلاک ہوا یہ واحد محرم تھا جس میں امام بارگاہوں میں مٹھائي بٹی تھی
ظلمت کو ضیاء صر صر کو صبا بندے کو خدا کیا لکھنا
پتھر کو گُہر ، دیوار کو دَر ، کرگس کو ہُما کیا لکھنا..
یوم نجات جب کوئ خود کو بم سے اڑائے گا تم کو ایک “بد ترین آمر یاد آئے گا” یاد آئے گا جس نے تاریخ کے سیاہ ترین مارشل لا کی عمارت پر کھڑے ہو کر ملک و قوم کو دہکتی آگ پر چلایا۔اور جوکہ آج تک چل رہی ہے۔
