حریت رہنمائوں کی جانب سے تمام رکاوٹیں توڑ کر کشمیریوں کو آج نماز جمعہ جامع مسجد میں ادا کرنے کی اپیل کی گئی ہے
سری نگر:مقبوضہ وادی میں 112 ویں روز بھی کرفیو نافذ ہے ۔ حریت رہنماؤں نے تمام رکاوٹیں توڑ کر کشمیریوں کو آج نماز جمعہ جامع مسجد میں ادا کرنے کی اپیل کی ہے ۔ کٹھ پتلی انتظامیہ اور بھارتی فورسز نے مسلسل 15 ہفتوں سے جامع مسجد کو نماز جمعہ کے لیے بند کر رکھا ہے ۔ مقبوضہ کشمیر میں کٹھ پتلی انتظامیہ نے سری نگر کی جامع مسجد تک جانے والے تمام راستوں پر کرفیو اور رکاوٹیں کھڑی کر رکھی ہیں ۔ حریت قیادت نے کشمیریوں سے جامع مسجد کا محاصرہ توڑ کر آج وہاں نماز جمعہ ادا کرنے کی اپیل کی ہے ۔ بھارتی فوج نے جامع مسجد کو مسلسل 15 ہفتوں سے نماز جمعہ کے لیے بند کر رکھا ہے ۔ ادھر لوگوں کو جامع مسجد کی جانب جانے سے روکنے کے لیے بھارتی فورسز الرٹ ہیں ۔ بھارتی فوج نے حریت رہنماؤں کو مارچ کی قیادت سے روکنے کے لیے گھروں میں نظر بند کر رکھا ہے ۔ کشمیر میڈیا سروس کے مطابق 6 دن بعد حریت رہنما یاسین ملک کو ہسپتال سے واپس سری نگر جیل منتقل کر دیا گیا ہے ۔
