ہانگ کانگ میں ملزمان کی حوالگی سےمتعلق پیش کیے جانے والے بل کیخلاف لاکھوں افراد نے پارلیمنٹ جانے والے راستوں پر احتجاج کیا اور کئی روز تک وہیں قیام کیا۔ مظاہرے کے دوران اور اختتام پرشرکاءنےکئی اعلیٰ مثالیں بھی قائم کیں۔ ہانگ کانگ مظاہروں میں شرکاءکا پُرامن رویہ عالمی خبروں کی زینت بنا رہا۔ لاکھوں مظاہرین کی ایک ویڈیو سوشل میڈیا پر بے پناہ مقبول ہوئی جس میں انہیں ایک ایمبولینس کو جگہ دیتے دیکھا گیا۔عوامی احتجاج کے باعث چیف ایگزیکٹو کیری لام کو عوام سے معافی مانگنا پڑی۔ لاکھوں کی تعداد میں مظاہرین نے احتجاج کے اختتام پر سڑکوں کی صفائی کر کے انہیں اپنی اصل حالت میں لاکر نئی مثال قائم کردی۔
