تھر پارکر میں ڈینگی کے مرض میں اضافہ ہی ہوتا جارہا ہے،حکومت نے وائرس کی روک تھام کےلئے تاحال کوئی اقدامات نہیں کیے ہیں ۔
صحرائے تھر میں ڈینگی کامرض پھیلتا جا رہا ہے،مٹھی، چھاچھرو اور اسلام کوٹ میں مزید 10افراد ڈینگی کا شکار ہو گئے ہیں، ضلع کے سرکاری اسپتالوں میں روزانہ درجنوں افراد ڈینگی کے شبہ میں لائے جا رہے ہیں ۔
مقامی افراد کا کہنا ہے کہ متاثرہ علاقوں میں مچھر مار اسپرے نہیں کیاگیا اور نہ ہی کوئی عملی اقدامات کئے گئے ہیں۔
دوسری جانب ڈی ایچ او ڈاکٹر چندر گومانی کا کہنا ہے سول اسپتال مٹھی میں ڈینگی وارڈ قائم کرکے علاج معالجہ جاری ہے اور دیہات میں مچھر دانیاں بھی تقسیم کی جا رہی ہیں۔
