counter easy hit

بلوچستان میں نئے وزیراعلیٰ کے انتخاب کیلئے کاغذات نامزدگی کی وصولی

کوئٹہ: بلوچستان میں نئے وزیر اعلیٰ کا انتخاب ہفتے کو ہوگا تاہم قائد ایوان کے لیے کاغذات نامزدگی کی وصولی کا سلسلہ جاری ہے۔

Recovery of papers nomination for the selection of new CM in Balochistanبلوچستان اسمبلی سیکر یٹریٹ کی جانب سے نئے قائد ایوان کے انتخاب کے لیے جاری کردہ شیڈول کے مطابق کاغذات نامزدگی کی وصولی اور جمع کرانے کا سلسلہ جاری ہے۔ ہفتے کی صبح 10بجے بلائے گئے اسمبلی اجلاس میں وزیراعلیٰ کا انتخاب عمل میں لایا جائے گا۔ سابق ڈپٹی اسپیکر بلوچستان اسمبلی عبدالقدوس بزنجو نے کاغذات نامزدگی جمع کرادیئے ہیں۔ جان محمد جمالی ان کے تجویز کنندہ جب کہ سرفراز بگٹی تصدیق کنندہ ہیں۔ واضح رہے کہ نواب ثنا اللہ زہری کے خلاف ارکان اسمبلی نے بغاوت کرتے ہوئے تحریک عدم اعتماد جمع کرادی تھی تاہم تحریک پیش ہونے سے پہلے ہی انہوں نے استعفیٰ دے دیا تھا۔

You must be logged in to post a comment Login