Young Doctors strike in Multan and Faisalabad

سینٹرل انڈکشن پالیسی کے خلاف ملتان اور فیصل آباد میں ینگ ڈاکٹرز کی ہڑتال جاری ہے جس کی وجہ سے مریض مشکلات کا شکار ہیں ۔

ہڑتالی ڈاکٹروں کا کہنا ہے کہ سینٹرل انڈکشن پالیسی کسی صورت بھی قبول نہیں ۔ینگ ڈاکٹر کہتے ہیں کہ وزیر اعلیٰ پنجاب مذاکرات کریں ورنہ ہڑتال جاری رہے گی ۔ سینٹرل انڈیکشن پالیسی نافذ کردی گئی تو ڈاکٹر ملک چھوڑ کر بیرون ملک جانے پر مجبور ہو جائیں گے ۔ملتان کے نشتر اسپتال میں او پی ڈی بند ہے ۔ ہڑتال کی وجہ سے دور دراز کے علاقوں سے آنے والے مریضوں کو شدید مشکلات کا سامنا ہے ،مریض آتے ہیں اور مایوس لوٹ جاتے ہیں ۔ادھرفیصل آباد میں بھی او پی ڈی اور ان ڈور سے ڈاکٹرغائب ہیں ۔