counter easy hit

ہاں نہ کا کھیل ختم ۔۔۔ بالآخر چوہدری نثار نے تحریک انصاف میں شمولیت کا فیصلہ کر لیا

اسلام آباد ; سابق وزیر داخلہ چوہدری نثار علی خان مسلم لیگ(ن) کے پلیٹ فارم سے ٹکٹ نہ ملنے پرانتخابات 2018ء میں آزاد امیدوار کی حیثیت سے سیاسی دنگل میں اترے جہاں

انکو بد ترین شکست کا سامنا کرنا پڑا اور وہ صرف ایک صوبائی اسمبلی کی سیٹ سے ہی جیت پائے جبکہ نیشنل اسمبلی کی سیٹ پر چوہدری نثار کو پاکستان تحریک انصاف کے رہنماء غلام سرور خان نے شکست دی تھی ۔تاہم اب چکری کا چوہدری ایک بار پھر ملکی سیاست میں سرپرائز دینے جا رہا ہے۔ پی ٹی آئی کے معتبر ذرائع نے دعویٰ کیا ہے کہ چوہدری نثار بہت جلد تحریک انصاف میں باقاعدہ شمولیت اختیار کرنے جا رہے ہیں۔ چوہدری نثار علی خان بہت جلد وزیر اعظم پاکستان اور پاکستان تحریک انصاف کے چیئرمین عمران خان سے ون آن ون ملاقات بھی متوقع ہے۔یہاں یہ امر بھی قابل ذکر ہے کہ انتخابات

سے قبل یہ دعویٰ بھی سامنے آیا تھا چوہدری نثار علی خان نے پاکستان مسلم لیگ(ن) کی جانب سے ٹکٹ نہ ملنے پر پی ٹی آئی میں شمولیت کا حتمی فیصلہ کیاتھا اوراس سلسلہ میں انہوں نے اپنے قریبی اور خاندانی رفقاءسے بھی مشورہ لیاتھا۔دوسری جانب پاکستان تحریک انصاف کے چیئرمین اور وزیر اعظم پاکستان عمران خان نے بھی ن لیگ کے سینئر رہنما اور سابق وزیر داخلہ چوہدری نثار علی خان کو پارٹی میں شمولیت کی دعوت دیتے ہوئے کہا تھا کہ سیاست میں بعض اوقات دل بڑا کرنا پڑتا ہے، چوہدری نثار تحریک انصاف میں آجائیں تو اچھا ہے لیکن آزاد حیثیت سے الیکشن لڑنے پر بھی ان کی حمایت کریں گے تاہم بعد میں تحریک انصاف نے بھی انکے مقابلے میں اپنا امیدوار میدان میں اتار دیا تھا ۔