لاہور(ویب ڈیسک)خادم حسین رضوی کو لاہور پولیس نے گرفتارکر لیاہے اور اب ان کے بعد ڈاکٹر اشرف آصف جلالی کی گرفتاری کیلئے چھاپے مارے جارہے ہیں ۔
تفصیلات کے مطابق تحریک لبیک کی جانب سے 25 نومبر کو ملک بھر میں ایک مرتبہ پھر سے احتجاج کی کال دی گئی تھی جس کے بعد پولیس نے ایکشن لیتے ہوئے خادم حسین رضوی کو گرفتار کر لیا ہے جبکہ اشرف آصف جلالی کی تلاش جاری ہے اور چھاپے مارے جارہے ہیں تاہم اس دوران ان کے استاد مفتی ظہو ر جلالی کو گرفتار کر لیا گیا ہے ۔
دوسری جانب یہ امر بھی قابل ذکر ہے کہ آج صبح کراچی میں چینی قونصلیٹ میں دہشتگردوں میں حملہ کیا جس میں دو پولیس اہلکار شہید ہو گئے جبکہ دوسری جانب لوئر اورکزئی میں بھی دھماکہ ہوا جس میں 30 سے زائد افراد جاں بحق ہو گئے ہیں ۔