پیرس( نمائندہ خصوصی) چوہدری فرانس کمپنی کے ڈائریکٹر آصف چوہدری کی طرف سے اے آر وائی کے پروگرام کریمنل موسٹ وانٹڈ کے اینکر علی رضا کے اعزاز میں گرینڈ عشائیہ۔
اس عشائیہ میں مسلم لیگ ق فرانس ، پیپلز پارٹی فرانس ، تحریک انصاف فرانس ، مسلم لیگ ن فرانس ، پاکستان پریس کلب پیرس فرانس ، ورلڈ ڈیموکریٹک فورم کے عہدیداروں کے علاوہ صحافیوں نے کثیر تعداد میں شرکت کی۔ آصف چوہدری نے اپنے خطاب میں کہا کہ
میں اپنے تمام معزز مہمانوں کا شکر گزار ہوں کہ وہ یہاں تشریف لائے ۔ میں خصوصی طور پر اے آر وائی کے مشہور پروگرام کریمنل موسٹ وانٹڈ کے اینکر علی رضا کا بھی انتہائی مشکور ہوں کہ انہوں نے ہمیں میزبانی کا شرف بخشا۔ میں دل کی اتھاہ گہرائیوں سے شکر گزار ہوں اپنے بڑے بھائی اور پریس کلب کے صدر صاحبزادہ عتیق الر حمن ، بھائی علی اشفاق اور بھائی عصام طاہر کا کہ جنہوں نے ہر قدم پر میری راہنمائی کی ، اور پاکستان پریس کلب پیرس فرانس کے پلیٹ فارم سے اتنے خوبصورت پروگرام کا اہتمام کیا۔
جب سے میں نے فرانس میں پروفیشنل لائف میں قدم رکھا ہے۔ میں نے کوشش کی ہے کہ اچھے طریقے سے کام کرکے پاکستان کا نام روشن کروں۔ میرے والدین کی تربیت اور دعاؤں کی وجہ سے میں آج اس مقام پر ہوں کہ بہت سارے پاکستانیوں کے روزگار کا باعث ہوں اور مجھے فخر ہے کہ میرے پاس کام کرنے والے لوگ مجھے مجھے اپنا باس نہیں بلکہ اپنا بڑا بھائی سمجھتے ہیں اور مجھے بھی وہ اپنے خاندان کی طرح عزیز ہیں ، اور میں بھی ان کی ضروریات کا خیال گھر کے سربراہ کی طرح رکھتا ہوں۔
