Sharmila Farooqi Wedding

لاہور (یس ڈیسک) لاہور میں ہونے والی شرمیلا فاروقی کی ولیمہ تقریب میں پیپلز پارٹی، ن لیگ، ق لیگ، جماعت اسلامی اور دیگر سیاسی رہنماوں کی شرکت نے اسے سیاسی اجتماع بنا دیا۔ لاہور کے مقامی ہوٹل میں منعقدہ اس تقریب میں اسپیکر قومی اسمبلی سردار ایاز صادق، ق لیگ کے صدر چوہدری شجاعت، جماعت اسلامی کے رہنما فرید احمد پراچہ، پیپلزپارٹی کے رہنما میاں منظور وٹو، سابق وفاقی وزیر قمر زمان کائرہ سمیت دیگر سیاسی رہنماوں نے بھی شرکت کی۔

میڈیا سے گفتگو کرتے ہوئے چوہدری شجاعت کا کہنا تھا کہ سینٹ کے چئیرمین کے انتخاب میں پیپلز پارٹی کا پلڑا بھاری ہے، جس طرح حکومت نے انہیں نظر انداز کیا ہے، چئیرمین سینٹ کے انتخاب میں حکومت کو وہ اسی نظر سے دیکھیں گے۔ اس موقع پر سابق وفاقی وزیر قمر زمان کائرہ نے کہا کہ چئیرمین سینیٹ الیکشن کے لئے پیپلزپارٹی سب سے مشاورت کررہی ہے۔

انہوں نے کہا کہ خان صاحب سے درخواست ہے کہ دوسروں پر الزام لگانے سے پہلے احتیاط سے کام لیں اور شہبازشریف کو اب سمجھ لینا چاہیے کہ انکے پاوں سے اب زمین سرک رہی ہے۔