مشی گن ………ماں کی جانب سے بیٹی کے دل کی دھڑکن سنے جانے کے بعد فائرنگ سے مردہ قرار پاجانے والی لڑکی ایبی زندگی کی طرف لوٹ آئی ۔چودہ سال کی ایبی گیل کوپ کو ٹیکسی ڈرائیور کی شکل میں گھومنے والے بے رحم شخص نے سر میں گولی مار تھی ۔
مشی گن میں رہنےو الی ایبی اپنی دوست کے ساتھ میوزک پروگرام دیکھ کرلوٹ رہی تھی کہ ٹیکسی ڈرائیور جیسن ڈیلٹن نے آٹھ مختلف لوگوں کو گولیوں کا نشانہ بنایا۔ جس میں سے چھ ہلاک ہوگئے ۔ہلاک ہونے والون میں ایبی کی دوست باربرا بھی شامل تھی۔ جب کہ ڈاکٹرز کی جانب سے ایبی کو بھی مردہ قرار دے دیا گیاتھا ۔ اس موقع پر ایبی کے والدین کو کہا گیا کہ وہ آپریشن تھیٹر میں بچی سے آخری ملاقات کرسکتے ہیں۔ بیٹی کے پاس پہنچ کر ماں حوصلہ ہار گئی اور اپنا سر اپنی لاڈلی کے سینے پر رکھ دیا اور یہی وہ لمحہ تھا جب ماں کو ایبی کا دل دھڑکتا ہوا محسوس ہوا۔ڈاکٹرز نے فوری طور پر بچی کو وینٹی لیٹر پر ڈالا اور سات گھنٹے بعد ایبی کی برین سرجری ہوئی۔ڈاکٹرز کا کہنا ہے کہ ایبی کا سر ٹوٹنے کی وجہ سے اس کے دماغ میں سوجن ہوگئی اور یہی سوجن اس کی زندگی بچنے کی وجہ بن گئی۔
