چیف جسٹس لاہور ہائی کورٹ منصور علی شاہ نے تقریب سے خطاب کرتے ہوئے کہا کہ ججز کی بیویوں کو چاہیے کہ اپنے شوہر کو اسپورٹس کی طرف بھی گامزن کریں۔ ڈسٹرکٹ ججوں کے پیٹ باہر نکلے ہوئے ہیں، وہ خود بھی یوگا کرتے ہیں۔ انہوں نے کہا کہ ججزکو بلا خوف وخطر فیصلے دینا ہوں گے، لوگ پنجاب کی عدالتوں کی مثال پورے ملک میں دیں گے۔ ججزنے اپنے فیصلوں میں مخالفین کی دشمنی ختم کروانے میں بھی کردار ادا کیا۔ انہوں نے کہا کہ منشیات کے 820 مقدمات کے فیصلے ہوئے، ججز نے مقدمات جلدنمٹانےکیلئے صبح سے رات تک کام کیا۔