‘جے آئی ٹی کی تحقیقات کا انتظار، انصاف نہ ملا تو سڑکوں پر آئیں گے’

اسلام آباد: چیئرمین پاکستان تحریک انصاف عمران خان نے میڈیا سے گفتگو کرتے ہوئے کہا وزیراعظم اس وکیل کو بھی سعودی عرب لے گئے جو میرے خلاف کیس لڑ رہا ہے،ججز نےکہا یہ فوجداری مقدمہ ہے،60 روز میں جے آئی ٹی کی تحقیقات مکمل ہونے کا انتظار کررہے ہیں،انصاف نہ ملا تو سڑکوں پر آئیں گے۔ عمران خان نے کہا سوشل میڈیا کے لوگوں کو کیون پکڑا جا رہا ہے،سوشل میڈیا کے ڈرامے سے پاکستان بدنام ہو رہا ہے،سوشل میڈیا پر بات کرنا جمہوریت کا حصہ ہے،فوج کی تذلیل جتنی حکومت نے کی کسی نے نہیں کی۔

وزیراعظم نوزشریف کے دورہ سعودی عرب پر تنقید کرتے ہوئے عمران خان نے کہا نوازشریف بطور وزیراعظم کس منہ سے سعودی عرب گئے؟،دہشتگردی کیخلاف پاکستان نے سب سے زیادہ قربانیاں دیں،ٹرمپ نے بھارت کا نام لیا لیکن کشمیر کا ذکر تک نہیں کیا، امریکی صدر نے کشمیریوں کی جدوجہد کی بات نہیں کی،وزیراعظم نوازشریف خاموشی سے واپس آگئے،اگر وزیراعظم سعودی عرب گئے تھے تو فلسطین اور کشمیر کی بات کرتے،سعودی عرب میں وزیراعظم کیساتھ جو سلوک ہوا قوم شرمندہ ہے،وزیراعظم نے تقریر کی کافی پریکٹس کی لیکن ان لوگوں نے کھیلنے ہی نہیں دیا،پاکستان کو نوازشریف کی خارجہ پالیسی سے نقصان ہو رہا ہے،ہم نہیں چاہتے مسلم ممالک تقسیم ہوں،پاکستان کا کام آگ بجھانا ہونا چاہئے،آگ لگانا نہیں،ٹرمپ کی باتوں پر نوازشریف کو کوئی تو بیان دینا چاہیے تھا۔