لندن (نیوز ڈیسک ) بھارتی کرکٹ بورڈ (بی سی سی آئی) نے ویسٹ انڈیز کے محدود اوورز پر مشتمل سیریز میں کپتان ویرات کوہلی اور فاسٹ باﺅلرجسپریت بمرا کو آرام دینے کا فیصلہ کر لیا ہے۔بی سی سی آئی حکام کے مطابق ویرات کوہلی اور بمرا کو ویسٹ انڈیز کے خلاف تین میچوں پر مشتمل ٹی ٹونٹی اور ون ڈے سیریز میں شامل نہیں کیا جائے گا، کوہلی آسٹریلیا کے خلاف سیریز کے بعد لگاتار کرکٹ کھیل رہے ہیں جب کہ بمرا بھی زیادہ کرکٹ کھیلنے کے باعث تھکاوٹ کا شکار ہیں۔بھارتی کرکٹ بورڈ کا کہنا ہے کہ دونوں کھلاڑی ورلڈ ٹیسٹ چیمپئن شپ سے قبل ٹیم میں شامل ہو جائیں گے۔انہوں نے کہا کہ عالمی کپ کھیلنے والی بھارتی ٹیم میں موجود چند اور کھلاڑیوں کو بھی اس سیریز میں آرام دیا جا سکتا ہے۔دونوں ممالک کے مابین سیریز ویسٹ انڈیز اور امریکہ میں تین اگست کو شروع ہو گی، اس میں تین ٹی ٹونٹی ، تین ون ڈے اور دو ٹیسٹ میچز کھیلیں جائیں گے۔متوقع طور پر مائینک اگروال، پرتھوی شاہ اور ہنوما ویہاڑی کو ٹیم میں شامل کئے جانے کا امکان ہے۔