violence in Faisalabad

واقعہ تھانہ بلوچنی کے نواحی علاقے چک 92 میں پیش آیا ، پولیس نے واردات کو غیرت کے نام پر قتل قرار دے دیا ، ملزم فرار
فیصل آباد (یس اُردو) فیصل آباد میں گھریلو جھگڑے پر تین خواتین کو فائرنگ کر کے قتل کر دیا گیا ۔ پولیس کا کہنا ہے خواتین کو غیرت کے نام پر قتل کیا ہے ۔ تھانہ بلوچنی کے نواحی علاقے 92 چک میں پیش آیا افسوسناک واقعہ جس میں تین خواتین کو گھریلو جھگڑے پر قتل کر دیا گیا ۔ گھر کے سربراہ ناصر نے نسرین نامی خاتون سے تیسری شادی کر رکھی تھی اور اپنی پہلی بیوی سے ہونے والی بیٹی فرازانہ کی شادی ملزم واہگ سے کی تھی ۔ ملزم واہگ نسرین کا بھائی تھا لیکن کچھ عرصے سے ملزم واہگ کی بیوی نارض ہو کر اپنے والد ناصر کے پاس آئی ہوئی تھی ۔ آج جب وہ اپنی بیوی کو منانے آیا تو تلخ کلامی ہو گئی جس پر ملزم واہگ نے ساتھی مسنین اور کزن شاہد کیساتھ ملکر فائرنگ کر دی ۔ فائرنگ کے نتیجے میں زہرہ نسرین اور فرزانہ موقع پر دم توڑ گئی ۔ واقعہ کی اطلاع ملتے ہی لوگوں کی بڑی تعداد جمع ہو گئی اور پولیس بھی موقع پر پہنچ گئی ۔ پولیس کا کہنا ہے قتل غیرت کے نام پر ہوئے تاہم مزید تحقیقات کر رہے ہیں ۔ دوسری جانب گھر اجڑ جانے پر گھر کا سربراہ بھی واقعہ پر نوحہ کناں ہے ۔ پولیس نے لاشیں پوسٹ مارٹم کیلئے جڑانوالہ منتقل کر دی ہیں اور قاتلوں کی گرفتاری کیلئے چھاپے مار رہی ہے ۔