Unknown people killed a 17-year-old teenager in Township

لاہور: ٹاؤن شپ میں نامعلوم افراد نے 17 سالہ نوجوان کو قتل کر دیا ۔ ٹاؤن شپ کے رہائشی ڈاکٹر حامد نواز کے مطابق اس کے 17 سالہ بیٹے عبداﷲ کو موبائل فون پر کال آئی اور وہ یہ کہہ کر چلا گیا کہ میں موٹرسائیکل پر اپنے دوستوں کے ساتھ جارہا ہوں۔ اگلے روزتک جب بیٹا واپس نہ آیا تو اس کے نمبر پر کال کی لیکن کسی نے کال اٹینڈ نہیں کی ۔ گذشتہ روز ڈاکٹر حامد کو ایک نامعلوم راہگیر نے فون کر کے بتایا کہ ان کا بیٹا ٹاؤن شپ 1122 کے دفتر کے پاس اپنی موٹرسائیکل کے نیچے مردہ حالت میں پڑا ہے۔ اہل خانہ جب بتائی ہوئی جگہ پر پہنچے تو دیکھا کہ عبداﷲ مردہ حالت میں پڑا تھا جسے نامعلوم وجوہات پر تشدد کر کے قتل کر کے لاش کو وہاں پھینک دیا گیاتھا۔ پولیس نے لاش قبضہ میں لے کرمردہ خانے بھجوا دی اور نامعلوم افراد کے خلاف قتل کا مقدمہ درج کرلیا۔