کراچی: پی ایس ایل اسپاٹ فکسنگ اسکینڈل میں عمر اکمل اپنی بے گناہی پر اصرار کرنے لگے۔
پی ایس ایل اسپاٹ فکسنگ کیس میں ٹریبیونل کی کارروائی کے دوران برطانوی نیشنل کرائم ایجنسی کے منیجر آپریشنز اینڈریو کی گواہی کے موقع پر یہ بات سامنے آئی کہ اسکینڈل میں مبینہ طور پر عمر اکمل اور محمد سمیع بھی ملوث ہیں، ٹھوس شواہد سامنے آنے پر کوئی حتمی بات کہی جاسکے گی۔ ’’گفتگو کرتے ہوئے عمر اکمل نے کہاکہ مجھے اس کیس میں گھسیٹا جا رہا تھا، میں پی سی بی کا شکرگزار ہوں کہ اس نے معاملے کی چھان بین کرکے واضح کیا کہ میرا کوئی کردار نہیں تھا۔
عمر اکمل نے کہا کہ انجری کی وجہ سے این سی اے اسٹاف کو بتاکر بحالی کیلیے انگلینڈ آیا تھا،اپنی فٹنس کیلیے سخت محنت کررہا ہوں، پوری توجہ انٹرنیشنل کرکٹ میں واپسی پر مرکوز ہے، ماضی میں کیریئر کومتاثر کرنے والی ہر خامی کو دور کرکے میدان میں اترنا چاہتا ہوں، کوشش کروں گا کہ کارکردگی ملک اور والدین کیلیے باعث فخر ہو۔
