امریکا کے ایک تھیم پارک گیٹرلینڈ میں موجود ایک مگرمچھ منہ سے لے کر دم تک مکمل طور پر سفید ہے۔

The white crocodile in theme park

مگرمچھ کی آنکھیں خوبصورت اور گلابی مائل ہیں جبکہ جلد میں سفیدی والی پیلاہٹ ہے اور اسی لیے اسے ’پرل‘ یعنی موتی کا نام دیا گیا ہے۔تھیم پارک کی اس مادہ مگرمچھ کو لوگ دور دور سے دیکھنے آتے ہیں اور اس کی تصاویر سوشل میڈیا پر بہت مقبول ہورہی ہیں۔ پارک کے ترجمان کے مطابق یہ ایک ایلبینو مگرمچھ ہے جس میں دیگر رنگوں کی کمی ہے اور یہ سفید دکھائی دیتا ہے، اسے 2009 میں پارک لایا گیا تھا اور اس وقت وہ بچہ تھا لیکن اب اس کا وزن 105 پونڈ سے زیادہ ہے اور لمبائی ساڑھے 7 فٹ ہے۔ ماہرین کا کہنا ہے کہ ایسے مگرمچھ بہت نایاب ہوتے ہیں کیونکہ مگرمچھوں میں ایلبینو بہت کم پیدا ہوتے ہیں۔