لاہور :جماعت اسلامی کے مرکزی سیکرٹری اطلاعات امیر العظیم نے کہا ہے کہ حکمرانوں کی کرپشن نے ملک کو مسائل کی دلدل میں دھکیل دیا ہے ، پانامہ لیکس کی تحقیقات اور حکمرانوں کا احتساب ہو کر رہے گا ، جوہر ٹاؤن لاہور میں ورکرز کنونشن سے خطاب کرتے ہوئے سیکرٹری اطلاعات جماعت اسلامی پاکستان امیر العظیم کا کہنا تھا کہ حکمران عوام کے پیسوں پر عیش کر رہے ہیں ، عام آدمی کو تعلیم ، صحت اور روزگار جیسی بنیادی سہولتیں دستیاب نہیں ، وزرا ، محکمے اور کارپوریشنز بڑھ گئیں مگر عوام کے مسائل کم نہیں ہوئے ۔ انہوں نے کہا کہ لاہور کے 60 لاکھ شہری ہیپاٹائٹس ، دمہ اور الرجی کا شکار ہیں ۔ غریب بیمار پڑے تو علاج کیلئے گھر بیچنے پر مجبور ہو جاتا ہے ۔ امیر العظیم کا کہنا تھا کہ پورا بجٹ آئی ایم ایف اور ورلڈ بنک کے سود میں چلا جاتا ہے ، عوام دیانتدار قیادت منتخب کرتی تو آج موٹروے گروی نہ رکھنا پڑتی ۔