لندن : برطانوی ملکہ الزبتھ صرف شوق کیلئے گھوڑے نہیں پالتیں، یہ گھوڑے ملکہ کیلئے معقول آمدنی کا ذریعہ بھی ہیں۔
برطانوی اخبار کے مطابق گزشتہ 30 برس میں ملکہ الزبتھ کے گھوڑے ریس میں حصہ لے کر 6,704,941 پاؤنڈ کی خطیر رقم انہیں کما کر دے چکے ہیں۔ 2016 میں گھوڑوں کی ریس سے سب زیادہ 557,650 پاؤنڈ کی آمدنی ہوئی۔ 1988 سے اب تک ملکہ کے گھوڑوں نے 2,815 مرتبہ ریس میں حصہ لیا اور 451 مرتبہ ریس جیتی۔ ملکہ برطانیہ کے گھوڑوں کی کامیابی کی شرح 15.9 فیصد ہے۔
