The PCB announced the team management for New Zealand tour

لاہور: پی سی بی نے دورہ نیوزی لینڈ کے لیے ٹیم مینجمنٹ کا اعلان کر دیا ، اظہر محمود بائولنگ کوچ مقرر کر دیئے گئے ۔

تفصیلات کے مطابق پاکستان کرکٹ بورڈ نے دورہ نیوزی لینڈ کے لیے ٹیم مینجمنٹ کا اعلان کر دیا ہے۔

مکی آرتھر ہیڈ کوچ ، گرانٹ فلاور بیٹنگ کوچ ، سٹیورکسن فیلڈنگ کوچ ہوں گے۔

وسیم باری مینجر اور اظہر محمود کو ایک مرتبہ پھر بولنگ کوچ مقرر کر دیا گیا۔ اظہر محمود کو دورہ نیوزی لینڈ کے لیے ٹارگٹ دیا گیا ہے کہ بائولنگ لائن کی کارکردگی کو مزید بہتر بنانا ہے۔

قومی ٹیم نے دبئی میں سیریز کے اختتام کے بعد نیوزی لینڈ اور آسٹریلیا کا دورہ کرنا ہے جہاں تیز وکٹوں پر بائولنگ لائن کو اچھی کارکردگی دکھانا ہوگی۔