counter easy hit

مزدوروں کی ماہانہ تنخواہ 28 سے 30 ہزار روپے۔

اسلام آباد (نیوز ڈیسک ) یکم مئی کی مناسبت سے مزدوروں کے عالمی دن کے موقع پر پیپلز پارٹی کے سینئیر رہنما خورشید شاہ نے مزدوروں کی اُجرت بڑھانے کا مطالبہ کر دیا ہے۔ تفصیلات کے مطابق مزدوروں کے عالمی دن پر پیپلز پارٹی کے سینئیر رہنما خورشید شاہ نے مطالبہ کیا کہ مزدوروں کی اُجرت 28 سے 30 ہزار روپے تک کی جائے۔ انہوں نے کہا کہ ملک میں کم از کم تنخواہ کی حد 28 سے 30 ہزار روپے ہونی چاہئیے۔جب مزدور کی تنخواہ 15 ہزار کی اُس وقت ملک میں ڈالر 90 روپے کا تھا۔ اب ڈالر 150 روپے تک جا رہا ہے،اس لیے کم از کم تنخواہ 28 سے 30 ہزار روپے ہونی چاہئیے۔ پاکستان عوام کے لیے بنا ہے اشرافیہ کے لیے نہیں۔ الیکشن سے پہلے کہا جاتا ہے کہ غریبوں اور مزدوروں کو حقوق دیں گے۔اقتدار میں آنے کے بعد مزدوروں اور ننگے پاؤں والوں کو بھول جاتے ہیں۔ خیال رہے کہ آج پاکستان سمیت دنیا بھر میں مزدوروں کا عالمی دن منایا جارہا ہے۔اس دن کو مزدوروں کی محنت اور روزی کمانے کی ان کی سنجیدہ کوششوں کو سراہا جاتا ہے جبکہ ان کی مدد کے لیے بھی کئی پروگرامز کا انعقاد کیا جاتا ہے۔مزدوروں کے عالمی دن کی مناسبت سے حکومت نے بیرون ملک کام کرنے والے اور سات سال سے وطن واپس نہ آنے والے مزدوروں کو سبسڈی دینے کا فیصلہ بھی کیا۔ وزیراعظم عمران خان نے سات سال سے وطن واپس نہ آنے والے مزدوروں کو ائیر ٹکٹ پر سبسڈی فراہم کرنے کا فیصلہ کیا۔فیصلہ وزیراعظم کی زیر صدارت مزدوروں کی فلاح و بہبود سے متعلق اجلاس میں کیا گیا جس میں “مزدورکا احساس پروگرام” کے انعقاد کی منظوری بھی دی گئی تھی۔ اجلاس میں اس حوالے سے وزیر اعظم عمران خان کو بریفنگ بھی دی گئی جس میں انہیں بتایا گیا کہ احساس پروگرام غربت میں کمی کے لئے ملکی تاریخ کا سب سے بڑا پروگرام ہے، کمزور طبقوں کے لئے 115 سماجی فلاحی پروگرام ترتیب دیے جا رہے ہیں۔ اس پروگرام کے تحت آئندہ ایک سال میں روایتی اور غیر روایتی شعبوں سے منسلک مزدوروں کی رجسٹریشن عمل میں لائی جائے گی۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website