اسلام آباد(ویب ڈیسک )پشاورزلمی کے کپتان ڈیرن سیمی پاکستان پہنچ گئے ،اسلام آبادایئرپورٹ پرچیئرمین پشاورزلمی جاوید آفریدی نے ڈیرن سیمی کااستقبال کیا۔واضح رہے کہ پشاورزلمے کی کٹ اور ترانے کی لانچنگ کی رنگا رنگ تقریب آج گورنرہاؤس پشاورمیں منعقد کی جائے گی۔پشاورزلمے کی جانب سے شہر کی تاریخ میں سب سے بڑے ایونٹ کا انعقاد کیا جارہا ہےجبکہ تقریب کو چارچاند لگانے کے لیے کپتان ڈیرن سیمی بھی موجود ہوں گے۔ڈیرن سیمی پشاورزلمی کی کٹ اینڈ اینتھم لاؤنچ میں شرکت کرینگے ،ڈیرن سیمی آرمی پبلک سکول پشاوربھی جائیں گے۔تقریب میں گل پانڑا، مشہور بینڈ خماریاں، ساحرعلی بگہ اورمشہور پشتو گلوکارزیک آفریدی کرکٹ کے دیوانوں کا جوش وخروش بڑھائیں گے جبکہ پشاورزلمے کی برانڈایمبسڈرماہرہ خان، حمزہ علی عباسی کے علاوہ گڈول ایمبسڈر ثنا جاوید اورعلاقائی برانڈ ایمبسڈرگل پانڑا بھی موجود ہوں گے۔پشاور کی عوام کے پسندیدہ کپتان ڈیرہ سیمی کے ساتھ ساتھ مصباح الحق، کامران اکمل، عمیدآصف، ثمین گل، عمرامین، صہیب مقصود سمیت دوسرے کھلاڑی بھی فینزسے ملنے آئیں گے اور ہیڈ کوچ محمداکرم اور صدرظہیرعباس بھی اس موقع پر موجود ہوں گے۔