اسلام آباد(نیوز ڈیسک)قومی اخبار کی ایک رپورٹ میں بتایا گیا ہے کہ نوجوان سیاسی لیڈر بلاول بھٹو زرداری انصاف پسند اور تحمل مزاج صفت انسان ہیں۔بلاول بھٹو کی شادی نہیں بلکہ شادیاں ہوں گی۔ماہر علم اعداد کے انکشاف نے پاکستان پیپلز پارٹی کی صفوں میں تھرتھلی مچا دیی۔ماہر علم اور اعداد حنیف ملک کا کہنا ہے کہ بلاول بھٹو زرداری سیاسی جوڑ توڑ میں ناکام ہوں گے۔پارٹی کے پرانے خیرخواہ رہنما بھی انہیں چھوڑ دیں گے،بلاول بھٹو انصاف پسند ہیں اور مشکل وقت میں صبر و تحمل کا مظاہرہ کرتے ہیں۔ان میں بے تکلفی کا عنصر زیادہ پایا جاتا ہےمگر موجودہ تیز ترین دور میں یہ بے تکلفی انہیں نقصان سے بھی دوچار کر سکتی ہے۔بلاول بھٹو کو پرانے دوستوں کو جلد بھلانے کی عادت ہے اور وہ نئے یار بنانے کی جستجو میں رہتے ہیں۔بلاول بھٹو کی کوشش ہوتی ہے کہ وہ جب کسی سے ملیں تو اسے یہ لگے کہ بلاول بھٹو میرے خیرخواہ اور ہمدرد ہیں۔حنیف ملک نے یہ بھی پیشگوئی کی ہے کہ بلاول بھٹو کی دو شادیاں ہوں گی،پہلی شادی ناکام ہو گی اور دوسری شادی کامیاب ہو گی۔خیال رہے پیپلز پارٹی کے چئیرمین بلاول بھٹو زرداری کی شادی سے متعلق چہ مگوئیاں جاری ہیں۔ بلاول بھٹو کی شادیسے متعلق دلچسپ بحث کا آغاز اس وقت ہوا جب گزشتہ دنوں اس حوالے سے ان کے والد اور پیپلز پارٹی کے شریک چیئرمین آصف علی زرداری کی جانب سے بیان جاری کیا گیا۔آصف زرداری نے باقاعدہ اعلان کیا کہ ان کے صاحبزادے بلاول شادی کیلئے راضی ہوگئے ہیں۔ تاہم بلاول بھٹو کیلئے لڑکی ڈھونڈی جا رہی ہے۔ اس حوالے سے بلاول بھٹو زرداری نے بھی خود بیان جاری کیا تھا، بلاول بھٹو نے تصدیق کی کہ ان کی شادی کی تیاریاں کی جا رہی ہیں۔ بلاول کا کہنا ہے کہ ان کی شادی نزدیک ہے، تاہم اس حوالے سے وہ فی الحال مزید تفصیلات فراہم نہیں کر سکتے۔کچھ عرصہ قبل بلاول بھٹو نے شادی سے متعلق پوچھے گئے سوال کے جواب میں کہا تھا کہ ان کی شادی کیلئے لڑکی کا فیصلہ ان کی بہنیں کریں گی۔ ان کی اہلیہ کسے بننے ہے، لڑکی پسند کرنے کا کام انہوں نے اپنی بہنوں پر چھوڑ دیا ہے۔ اس حوالے سے ذرائع کا بھی کہنا ہے کہ بلاول بھٹو زرداری کیلئے لڑکی پسند کی جا چکی ہے، تاہم فی الحال اس معاملے کی مزید تفصیلات سامنے نہیں لائی جا رہیں۔ جلد ہی تمام تفصیلات عوام کیلئے جاری کر دی جائیں گی، اور بلاول بھٹو کیشادی بھی جلد انجام پانے والی ہے۔