لندن (ویب ڈیسک ) 53 سالہ سلیبریٹی شیف پاﺅل ہالی ووڈ نے 24 سالہ گرل فرینڈ سے بریک اپ کے بعد غم بھلانے کیلئے اپنی تمام گاڑیاں بیچ ڈالیں اور ان کے پیسوں سے ایک لاکھ یورو مالیت کی نئی رینج روور گاڑی خرید لی۔معروف ٹی وی پروگرام ’ گریٹ برٹش بیک آف‘ کے 53 سالہ جج پاﺅل ہالی ووڈ نے اپنی 24 سالہ گرل فرینڈ سمر مونٹیز فولم سے مطالبہ کیا تھا کہ وہ گیگ آرڈر پر دستخط کریں۔ یہ ایک ایسا معاہدہ ہوتا ہے جس کے ذریعے یہ یقینی بنایا جاتا ہے کہ آپس کی باتیں تیسرے بندے کو نہیں بتائی جائیں گی اور نہ ہی پبلک کی جائیں گی۔ سلیبریٹی شیف کی جانب سے یہ مطالبہ کیا گیا تو ان کی گرل فرینڈ انہیں چھوڑ کر چلی گئی۔پاﺅل ہالی ووڈ نے اپنے بریک اپ کا غم غلط کرنے کیلئے اپنی تمام گاڑیاں بیچ دیں اور ایک لاکھ یورو مالیت کی نئی رینج روور خرید لی۔ برطانوی اخبار دی سن نے ذرائع کے حوالے سے دعویٰ کیا ہے کہ اس بریک اپ کو پاﺅل نے کچھ زیادہ ہی دل پر لے لیا جس کے بعد انہوں نے ان تمام چیزوں سے چھٹکارا حاصل کرنے کا فیصلہ کیا جو انہیں سمر کی یاد دلاتی تھیں۔ذرائع نے مزید بتایا کہ پاﺅل جب بھی پرانی گاڑیوں کو دیکھتے تھے تو انہیں سمر کی یاد آتی تھی جس کے باعث انہوں نے وہ تمام کاریں بیچ دیں جو کبھی ان کی گرل فرینڈ نے ڈرائیو کی تھیں۔ جو نئی رینج روور خریدی گئی ہے وہ بھی بیچی گئی رینج روور جیسی ہی ہے لیکن فرق یہ ہے کہ اس والی گاڑی کو سمر نے ڈرائیو نہیں کیا ہوا۔ جو نئی رینج روور خریدی گئی ہے وہ بھی بیچی گئی رینج روور جیسی ہی ہے لیکن فرق یہ ہے کہ اس والی گاڑی کو سمر نے ڈرائیو نہیں کیا ہوا۔