حکومت نے اپنی آئینی نالائقی پرخود ہی مہر تصدیق ثبت کردی، زاہد عباس شاہ

برلن/اسلام آباد(ایس ایم حسنین) پاکستان پیپلز پارٹی جرمنی کے صدر سید زاہد عباس شاہ نے کہا ہے کہ حکومت نے اہم ترین ادارے کے سربراہ کی توسیع کے بارے میں اپنی آئینی نالائقی سے جو جگ ہنسائی کس سبب بن رہی ہے ملک کو مذاق بنا دیا ہے

ان کا کہنا تھا کہ وزیراعظم کو اپنے اختیارات کا نہ تو ابھی تک ادراک ہوا ہے اور یہی سلیکٹڈ ہونے کی سب سے بڑی نشانی ہے ۔ انھوں نے نااہلی کی ایک تاریخ رقم کردی ہے ۔موجودہ حکومت نے اہم ترین ادارے کومذاق بنوا کر اپنا مضحکہ اڑوانے کے ساتھ ساتھ دنیا کو بھی بتادیا ہے کہ پاکستان کو چلانے والی حکومت اس کے آئین کو بھی پورا  نہ پڑھ سکی ہے اور نہ سمجھ سکی ہے جوکہ مملکت خدادادپاکستان کی بدقسمتی سے زیادہ کچھ نہیں ہے۔