گجرات(مرزا خرم حسنین)محلہ عمر آباد میں آوارہ کتوں نے حملہ کرکے دوبچوں کو زخمی کردیا معلوم ہوا ہے کہ ٹی ایم اے گجرات کے عملہ کی نااہلی کی وجہ سے گجرات شہر میں آوارہ کتوں کا راج ہے اور ٹی ایم اے کی جانب سے کتامار مہم ٹھنڈی پڑ جانے کے باعث شہر بھر میں آوارہ کتے سرعام دندناتے پھرتے نظر آتے ہیں اور شہریوں کو کاٹ کاٹ کر زخمی کررہے ہیں گزشتہ روز محلہ عمر آباد ، ریلوے روڈ اور محلہ چاہ ترہنگ میں آوارہ کتوں نے بچوں پر حملہ کرکے ان کی ٹانگیں کاٹ لی جس کے نتیجہ میں بچے شدید زخمی ہوگئے جن کو بعدازاں مقامی ہسپتال میں داخل کرادیا گیا ۔
