counter easy hit

سو لفظوں کی کہانی نمبر 51۔۔۔۔ بوٹی بناو ۔۔۔۔۔۔

Boti Hotel

Boti Hotel

تحریر: سید انور محمود
کراچی کے ایک ہوٹل میں ہم تین دوست کھانا کھانے گئے
ویٹر آیا تو اس نے پوچھا
گوشت والا سالن کھاینگے، سبزی والا سالن کھاینگے یا دال والا سالن کھاینگے
گوشت سبزی اور گوشت دال والا سالن بھی مل جایگا
اور ہاں دال چاول بھی ہیں
پہلے دوست نے کہا میرے لیے سادہ بوٹی کا سالن لے آو
دوسرئے نے کہا میرئے لیے کلیجی لادو
میں نے کہا میرئے لیے ایک پلیٹ قیمہ لادو
ویٹر پہلے مسکرایا اور پھر کچن کی طرف منہ کرکے زور سے بولا
ایک بھائی کی بوٹی بناو، دوسرئے کی کلیجی نکالو، تیسرے کا قیمہ بناو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سو لفظوں کی کہانی نمبر 52۔۔۔ کے الیکڑک شکریہ ۔۔۔۔۔۔
کراچی پہنچا تو رات کا وقت تھا
ایرپورٹ روشنیوں سے جگمگارہا تھا
گھر جاتے ہوئے راستے میں ہر بلڈنگ روشنیوں سے جگمگارہی تھی
سارئے راستے‘‘کے الیکٹرک شکریہ’’ کے بورڈ لگے ہوئےتھے
گھر پہنچ کربیٹی سے پوچھا یہ سب کیا ہے؟
بیٹی: پورا کراچی خوش ہے کیا امیر کیا غریب
وجہ کیا ہے؟
بیٹی: آج ٹی وی پرخبر ہے کہ ‘‘کے الیکٹرک’’ نے
بجلی کی قیمت میں فی یونٹ 12 پیسے کی کمی کردی
خبر یہ نہیں ہے کہ کراچی میں 12 افراد مارئے گئے
کراچی والوں کو اس بہانے کوئی خوشی تو ملی
ورنہ روز لاشوں کی گنتی ہوتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Peer Sahib

Peer Sahib

سو لفظوں کی کہانی نمبر 53۔۔۔ پیر صاحب ۔۔۔۔۔۔
بے روز گار تھا پیر بن گیا
گاہک ایک بزرگ خاتون تھیں جو کافی باتونی تھیں
بہو سے شکایت تھی لڑتی بہت ہے
خاتون کو بتایا جنوں کا سایہ ہے
پانچ ہزار کا خرچہ ہوگا
خاتون نے پانچ ہزار دیے
انکو بیس چھالیہ کے ڈلے دیے
کہا جب بہو لڑئے تو چھپاکر ایک ڈلہ دانتوں میں دبا لینا
دس دن بعد آیئں بہت خوش تھیں
بولیں لڑائی شروع ہوتی میں دانتوں میں چھالیہ دبا لیتی
میری مسلسل خاموشی پر کل وہ بولی اماں آپ بہت اچھی ہیں
اب آپ مجھے ڈانتی بھی نہیں
پیر صاحب آپ توکمال کے پیر ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سو لفظوں کی کہانی نمبر 54۔۔۔ ہسپتال ۔۔۔۔۔۔
نواز شریف نے اپنی والدہ کوفون کرکے دعایں لیں
بےباک کی ماں نے ہسپتال جاکر دعایں دیں
نواز شریف لندن کے ایک مہنگے ہسپتال میں اور
بے باک پنجاب کے مفت ہسپتال انسٹی ٹویٹ آف
کارڈیا لوجی میں علاج کرارہے ہیں
میں بےباک سے ملنے گیا تواس نے کہا
نواز شریف کی والدہ تک پاکستانی عوام کا یہ پیغام پہنچا دینا کہ
بیٹے کی صحتیابی کی دعا کے ساتھ یہ دعا بھی کریں کہ
اللہ میرئےبیٹے کو ہدایت دئے کہ وہ ملک میں ایسے ہسپتال بنوائے
جہاں وزیر اعظم، سرکاری افسران اور عام پاکستانیوں کا بہترین علاج برابری سے ہوسکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سو لفظوں کی کہانی نمبر 55۔۔۔ خوشامدی ۔۔۔۔۔۔
وزیر اعظم کی صابزادی نے اعلان کیا کہ وزیر اعظم کے
آپریشن کی جو سب سے اچھی رپورٹ کرئے گا
اس کو ایک بھاری بھرکم لفافہ دیا جائے گا
اس مقابلے کی واحد شرط یہ تھی کہ اخباری نمائندہ
خوشامدی ہو اور بھاری بھاری لفافے پہلے بھی حاصل کرچکا ہو
روزنامہ جنگ نے سینیر خوشامد کار صالح ظافر کے نام کا اعلان کیا
صالح ظافر کے نام کا اعلان ہوتے ہی باقی سب دستبردارہوگے
شام کو لفافہ صالح ظافرکو اس خبر پر ملا کہ
محترمہ مریم نواز نے اکیلے پوری دنیا کو
وزیر اعظم کی کامیاب سرجری کی اطلاع دی

Syed Anwer Mahmood

Syed Anwer Mahmood

تحریر: سید انور محمود