لاہور(ویب ڈیسک) غیر قانونی قبضہ مافیا گروپ کے بدنام زمانہ بلڈر منشاء بم کے بیٹونں کی ایل ڈی اے کے ملازمین کے ساتھ ہاتھاپائی اور کار سرکار میں مداخلت کے کیس میں منشاء بم اور اس کے چار بیٹوں ککے ناقابل ضمانت وارنٹ گرفتاری جاری کر دیے ہیں ،تفصیلات کے مطابق انسداد دہشتگردی عدالت نے ایل ڈی اے کی ٹیم پر حملہ کیس میں منشا بم اور اس کے چاروں بیٹوں کے شناختی کارڈ بلاک کرنے کا حکم دیتے ہوئے ملزم کے ناقابل ضمانت وارنٹ گرفتاری دوبارہ جاری کردیئے۔تفصیلات کے مطابق انسداد دہشتگردی عدالت میں ایل ڈی اے کی ٹیم پر حملہ کیس کی سماعت ہوئی، عدالت نے منشابم اورچاروں بیٹوں کے شناختی کارڈبلاک کرنے کاحکم دے دیا،عدالت نے ایس ایچ اوتھانہ جوہرٹاؤن کورپورٹ پیش کرنے کا حکم دیدیا اور منشابم اوربیٹوں کے ناقابل ضمانت وارنٹ گرفتاری دوبارہ جاری کر دیئے۔واضح رہے کہ کچھ روز قبل انسداد دہشتگردی عدالت نے منشاء بم سمیت چاروں بیٹوں کے وارنٹ گرفتاری جاری کردیے ہیں،،عدالت نے منشاء بم کےچاروں بیٹوں کےبھی وارنٹ گرفتاری جاری کردیئے، منشا بم پر کویتی شہری محمود اشرف کی زمین پر قبضے کا بھی الزام ہے، عدالت نے پانچوں ملزمان کو10 اکتوبرکوگرفتارکرکے پیش کرنے کا حکم دے دیا ہے۔میڈیا رپورٹس کے مطابق انسداد دہشتگردی عدالت نے قبضہ مافیا کے سرغنہ منشاء بم کے وارنٹ گرفتاری جاری کردیے ہیں۔ عدالت نے منشاء بم کے چاروں بیٹوں کے بھی وارنٹ گرفتاری جاری کیے ہیں۔ عدالت نے منشاء بم اور چاروں بیٹوں سمیت پانچوں ملزمان کو10 اکتوبرکوگرفتارکرکے پیش کرنے کا حکم دیا ہے۔منشا بم پر کویتی شہری محمود اشرف کی زمین پر قبضے کا بھی الزام ہے۔دوسری جانب قبضہ مافیا سے تعلق رکھنے والا منشاء بم پولیس کے چھاپے کے دوران مزاحمت کے بعد فرار ہونے میں کامیاب ہو گیا ۔ سپریم کورٹ نےپولیس کو لاہور میں قبضہ مافیا سے تعلق رکھنے والے منشا بم کو گرفتار کرنے کا حکم دے رکھا ہے اور اسی حکم کے تحت گرفتاری کیلئے اقدامات کیے جارہے ہیں۔پولیس حکام کے مطابق پولیس کو اطلاع ملی تھی کہ منشاء بم نے گزشتہ رات بارہ سے ایک بجے کے درمیان اپنے ڈیرے پر آنا ہے اور اس کیلئے پولیس نے اپنے دو اہلکار وہاں پر تعینات کر دیئے ۔ایس پی صدر معاذ ظفر کا کہنا ہے کہ موقع پر تعینات پولیس اہلکاروں نے جب منشاء بم کو گرفتار کرنے کی کوشش کی تو اس کے ساتھ موجود گارڈز نے مزاحمت شروع کر دی اور منشاء بم پولیس ٹیموں کے پہنچنے سے پہلے فرار ہو گیا ۔ تاہم منشاء بم کی گاڑی قبضے میں لے لی ہے، جلد منشاء بم بھی گرفتار ہو گا۔ پولیس نے منشاء بم کے خلاف مزید چار مقدمات درج کر لیے۔