جنوبی افریقا کے اسٹار بیٹسمین اور سابق ٹیسٹ کپتان ابراہم ڈیویلیئرز کا دل ٹیسٹ کرکٹ سے بھر گیا ہے۔ امکان ہے کہ وہ طویل فارمیٹ کو خیرباد کہہ کر پوری توجہ محدود اوورز کی کرکٹ پر دیں گے۔

Star batsman Ab devilliers likely to quit Test cricket

غیرملکی میڈیا کے مطابق ڈیویلیئرز کی اس سلسلے میں کرکٹ سائوتھ افریقا سے ان کے مذاکرات جلد متوقع ہیں۔ 32سالہ سپر اسٹار گذشتہ چند ماہ سے کہنی کی انجری سے نبرد آزما ہیں۔انہوں نے اس دوران ٹیسٹ ٹیم کی قیادت بھی چھوڑ دی، تاہم ون ڈے سائیڈ کی کپتانی بدستور ان کے پاس ہے۔ اب وہ فٹنس حاصل کرکے ڈومیسٹک کرکٹ میں واپس آچکے ہیں۔امکان ہے کہ وہ سری لنکا کے خلاف ٹی ٹوئنٹی سیریز سے انٹرنیشنل کیریئر دوبارہ شروع کرینگے۔ پروٹیز ٹیم کے کوچ رسل ڈومنگو کہتے ہیں کہ ہمیں ڈیویلیئرز سےان کے مستقبل سے متعلق بات کرنا ہوگی کہ وہ کیا چاہتے ہیں اس کا فیصلہ ڈیویلیئرز کو ہی کرنا ہے۔