اسلام آباد(ایس ایم حسنین) نیپال کے دارالحکومت کھٹمنڈو میں قائم پاکستانی سفارتخانے کے عملے کے چار افراد کورونا کا شکار ہوگئے۔ترجمان دفتر خارجہ کے مطابق سفارتی عملے کے چار افراد اور ان کے ساتھ بعض کے اہل خانہ بھی کورونا سے متاثر ہوئے ہیں جس کے بعد کل متاثرہ افراد کی تعداد 17 ہو گئی ہے۔ دفتر خارجہ کے ترجمان کا کہنا ہے کہ پاکستانی سفارتخانے کا ایک رکن کورونا وائرس کو شکست دے کر مکمل طور پر صحتیاب ہو چکا ہے جب کہ دیگر افراد اوران کے اہل خانہ کا علاج جاری ہے۔ ترجمان نے کہا کہ نیپال میں موجود پاکستانی سفارتخانے کے عملے سے دفتر خارجہ مسلسل رابطے میں ہے۔
STAFF, OF, PAKISTAN, EMBASSY, IN, NEPAL, EFFECTED, WITH, CORONA VIRUS
وزیراعظم عمران خان نے گزشتہ روز سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں اس بات کا خدشہ ظاہر کیا ہے کہ پاکستان میں کورونا وائرس کی دوسری لہر آسکتی ہے۔ ہم نیوز کے مطابق عمران خان نے اپنے پیغام میں کہا تھا کہ دوسرے ممالک کی نسبت اللہ کے کرم سے پاکستان میں کورونا کم پھیلا لیکن سردیوں میں کورونا کی دوسری لہر آسکتی ہے۔ انہوں نے اس سلسلے میں کہا تھا کہ عوامی مقامات پر ہرکوئی ماسک پہنے اور تمام دفاتر و تعلیمی اداروں میں ماسک کا استعمال یقینی بنایا جائے۔پاکستان میں کورونا کیسز ایک بار پھر بڑھنا شروع ہوگئے ہیں جس کے بعد کراچی کے کچھ علاقوں میں مائیکرو اسمارٹ لاک ڈاؤن بھی کیا گیا ہے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
