اسلام آباد(ویب ڈٰیسک) وزیر اعظم عمران خان نے اقبال ڈے پر مفکر قوم کے بیان کا خلاصہ پیش کرتے ہوئے کہا ہے کہ کہ کوئی کام ناممکن نہیں،ہر کام کو ممکن بنایا جا سکتا ہے اور یہ قوم عظیم سے عظیم تربن سکتی ہے.
ان خیالات کا اظہار انھوں نے یوم اقبال پر اپنے خصوصی ویڈیو پیغام میں کیا جس میں ان کا کہنا تھا کہ اقبال کے شاہین خوف اور ذہنی دباؤ سے مکمل طور پر آزاد ہیں. وزیراعظم عمران خان نے مزید کہا کہ اقبال کے شاہین وہ تھے، جو بڑی سوچ کے حامل اور انسانیت کے علم بردار تھے اور علامہ اقبال کی سوچ کا محور وہ افراد تھے، جو عقل کی غلامی سے آزاد ہوگئے، انھوں نے اپنی ذات کا سوچنے کے بجائے خوف کی زنجیریں توڑدی تھیں.
وزیراعظم عمران خان نے کہا ہے کہ انسان میں عشق اور جنون ہو ،تو ناممکن کو ممکن بنا سکتا ہے، عقل کی غلامی سے آزاد شخص ایک کے بعد ایک منزل طے کرتا جاتا ہے.
انھوں نے کہا کہ اللہ نے انسان کو بے پناہ طاقت دی ہے، انسان اپنی طاقت کو جتنا آزماتا ہے، اتنا اوپر جاتا ہے، نبی کریم ﷺنےجوکام کئے، وہ انسانی تاریخ میں کبھی کسی نےنہیں کیے.
ان کاکہنا تھا کہ پاکستانیوں سے کہتا ہوں، ہمارے لیے کوئی چیزنا ممکن نہیں، اللہ نے پاکستان اور پاکستانیوں کو بے شمار وسائل مہیا کئے ہیں، قائداعظم اورعلامہ اقبال جیسے لوگ عظیم تھے.
عمران خان نے کہا کہ علامہ اقبال نے پاکستان کا جو خواب دیکھا تھا، اسے پورا کر دکھایا، ہم پاکستان کو ویسا ملک بنائیں گے، جیساعلامہ اقبال نےسوچا تھا.، بس یہ چیز ذہن نشین ہونی چاہیے کہ کوئی چیز ناممکن نہیں، یہ قوم عظیم بن سکتی ہے اورایک دن ہم ضروربنیں گے.اپنے ویڈیو پیغام میں انھوں نے ماؤنٹ ایوریسٹ سر کرنے والے ایڈمن ہیلری کے عزم اور جذبے کا بھی ذکر کیا.
