South Korea: Bus fire kills 10

جنوبی کوریا میں ریٹائرڈ افراد کی ایک بس کو آگ لگنے سے کم از کم دس افراد ہلاک ہو گئے ہیں۔ بس کو آگ اُلسان شہر کے نزدیک سے گزرنے والی بڑی شاہراہ پر لگی۔

پولیس نے بس کے بچ جانے والے ڈرائیور کو حراست میں لے لیا ہے۔ اس بس پر کُل انیس مسافر سوار تھے۔

سی سی ٹی وی فوٹیج کے مطابق بس کا ڈرائیور غیر ضروری انداز میں بس کو دوسری گاڑیوں سے آگے نکالنے کی کوشش میں تھا کہ وہ شاہراہ کے ایک طرف لگی حفاظتی رِیلنگ سے ٹکرا گئی۔

فوٹیج سے معلوم ہوا کہ اس ٹکر کے بعد بس کو آگ لگی تھی۔ تمام مسافر ایک کیمیکل کمپنی کے ریٹائرڈ ملازمین تھے۔