انا للہ وانا الیہ راجعون ، صدر پیپلز پارٹی پنجاب قمرالزماں کائرہ کے گھر سے انتہائی افسوسناک خبر آگئی، جواں سال بیٹا کادحادثہ میں جاں بحق
لالہ موسیٰ(نمائندہ خصوصی) لالہ موسیٰ سے انتہائی افسوسناک خبر آگئی۔ صدر پیپلز پارٹی وسطی پنجاب چوہدری قمرالزماں کائرہ کا جواں سال صاحبزادہ اسامہ قمر روڈ ایکسیڈنٹ میں وفات پاگئے ہیں
تفصیلات کے مطابق وہ اپنے دوست کے ہمراہ گاڑی میں جا رہے تھے کہ اچانک گاڑی کا ٹائر کھل جانے سے گاڑی درخت سے جاٹکرائی اور اسامہ قمر شدید زخموں کی تاب نہ لاتے ہوئے جاں بحق ہوگئے جبکہ ان کے دوست حمزہ بٹ کو شدید زخمی حالت میں ہسپتال میں داخل کرادیا گیا جہاں وہ زخموں کی تاب نہ لاتے ہوئے انتقالکرگئے۔
جواں سال اسامہ قمر کی اچانک وفات نے پاکستان اور پاکستان سے باہرچوہدری قمرالزماں کائرہ کے ہزاروں چاہنے والوں کو غمزدہ کرگئی،
ان کے بیٹے کی وفات کے غم میں ہر آنکھ اشکبار ہے۔
چوہدری قمرالزماں کائرہ جواں سال بیٹے کی اچانک وفات پر صدمے سے نڈھال۔ اس موقع پر پیپلز پارٹی لالہ موسیٰ کے سرکردہ راہنمائوں نے چوہدری قمرالزماں کائرہ سے دل دوز سانحے پر اظہار تعزیت کرتے ہوئے کہا ہے کہ اللہ کریم کسی کو بھی جواں اولاد کا غم نہ دے۔ اللہ کریم ہمارے لیڈر چوہدری قمرالزماں کائرہ کو اس دکھ کی گھڑی میں صبر واستقامت عطا فرمائیں اور ان کے اہلخانہ کو بھی صبر جمیل عطا فرمائیں۔ الہی آمین