counter easy hit

بیٹا اے ٹی ایم مشین کے چکروں میں اور والدہ کا انتقال

لاہور (ویب ڈیسک) ماضی کی اداکارہ گیتا کپور انتقال کر گئیں۔ بالی ووڈ کی ماضی کی اداکارہ گیتا کپور کو ان کا کوریو گرافر بیٹا راجہ کپور گزشتہ سال بیماری کی حالت میں ہسپتال چھوڑ کر فرار ہوگیا تھا، وہ ہسپتال میں گزشتہ کئی مہینوں سے زیر علاج تھیں۔ بھارتی میڈیا رپورٹس کے مطابق 1972 میں ریلیز ہونے والی فلم ’’پاکیزہ‘‘ میں اداکاری کے جوہر دکھانے والی اداکارہ گیتا کپور کو 21 اپریل کے روز بلڈ پریشر کی مرض کے باعث ممبئی کے ایس آر وی ہسپتال میں لایا گیا جہاں ڈاکٹرز نے انہیں داخل کرلیا جب کہ ان کے کوریو گرافر بیٹے راجہ کپور کو داخلہ فیس جمع کرانے کا کہا گیا تو وہ اے ٹی ایم سے پیسے نکلوانے کا کہہ کر رفو چکر ہوگیا۔اداکارہ آج کسمپرسی کی حالت میں انتقال کر گئیں۔ فلم میکر آشوک پنڈت نے ان کی موت کی خبر ٹوئٹ کے ذریعے دی، ان کا کہنا تھا کہ انہوں نے اداکارہ کی بھرپور نگہداشت کی کوشش کی تاہم اپنی اولاد کے انتظار نے انہیں بے حد لاغر کر دیا تھا۔واضح رہے کہ اداکارہ گیتا کپور نے 100سے زائد فلموں میں بطور جونیئر آرٹسٹ کام کیا ہے لیکن انہیں فلم ’’پاکیزہ‘‘ اور ’’رضیہ سلطانہ‘‘ کے حوالے سے بھی جانا جاتا ہے۔

 

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website