چوہدری نثار کا کہنا ہے کہ کچھ لوگوں نے غلطیوں کا سارا بوجھ وزارت داخلہ اور اسٹیبلشمنٹ پر ڈال دیا ہے۔ یہ لوگ بتائیں کہ اپنی کارستانیوں پر پردہ ڈالنے کے لیے وہ وزارت داخلہ سے کس قسم کی مدد چاہتے تھے۔

Some people put the burden of the errors on the interior ministry, Chaudhry Nisar

چوہدری نثار پارٹی رہنماؤں کے خلاف کھل کر میدان میں آگئے اور پرویز رشید کا نام لیے بغیر ان پر کڑی تنقیدکرتے ہوئے کہا کہ وہ اتنے ہی معصوم ہیں تو اپنی حکومت کو یہ مشورہ دیں کہ وہ ڈان لیکس کی رپورٹ منظرعام پر لائے ۔ چوہدری نثار نے کہا کہ جس 6 رکنی کمیٹی نے ان کے خلاف ڈان لیکس میں فیصلہ دیا اس کا صرف ایک رکن وزارت داخلہ کا تھا۔ پرویز رشید کے بیان کی طرف واضح طور پر اشارہ کرتے ہوئے چوہدری نثار نے کہا کہ ان میں اتنی اخلاقی جرات ہونی چاہیے کہ سازش کے بارے میں کھل کر بتائیں۔