Sindh High Court ordered the closure of pubs
چیف جسٹس سندھ ہائی کورٹ نے ہدایت کی کہ تمام لائسنس آج ہی منسوخ ہونے چاہیں
کراچی: سندھ ہائیکورٹ نے تمام شراب خانے بند کرنے کا حکم دے دیا ۔ سندھ ہائی کورٹ نے ہدایت جاری کرتے ہوئے کہا کہ تمام لائسنس آج ہی منسوخ ہونے چاہئیں ، نئے لائسنس کے لیے نیا ضابطہ اخلاق بنایا جائے ۔
سندھ ہائی کورٹ میں شراب خانوں کی بندش کے حوالے سے درخواست کی سماعت ہوئی ۔ سندھ ہائی کورٹ نے ڈی جی ایکسائز اور آئی جی سندھ کو آج ہی تمام شراب خانے بند کرنے کا حکم دیا ۔ عدالتی فیصلے پر سائلین نے مسرت کا اظہار کیا اور کمرہ عدالت تالیوں سے گونج اٹھا ۔
بشپ کراچی اور اقلیتوں برادری کے نمائندوں نے عدالت کو بتایا کہ کوئی بھی مذہب شراب کی اجازت نہیں دیتا ، اقلیتی برادری کو شراب پینے کے نام پر بدنام کیا جارہا ہے ۔ چیف جسٹس سندھ ہائی کورٹ نے ہدایت کی کہ تمام لائسنس آج ہی منسوخ ہونے چاہیں ۔ شراب خانوں کے تمام لائسنس منسوخ کر کے دوبارہ سے لائسنس کے اجرا کا سلسلہ شروع کیا جائے ، نئے لائسنس کا اجراء مذہبی تصدیق نامہ دیکھ کر کیا جائے اور نئے لائسنس کے اجراء کے لئے نیا ضابطہ اخلاق بنایا جائے ۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
