کراچی: صوبائی وزیر عبدالباری خان پتافی نے وزارت سے استعفیٰ دے دیا ہے۔ عبدالباری پتافی کے پاس محکمہ لائیو سٹاک کا قلمدان تھا۔ عبدالباری پتافی این اے 205 گھوٹکی سے پیپلزپارٹی کے امیدوار محمد بخش مہر کے کورنگ امیدوار ہیں۔ این اے 205 پر ضمنی انتخاب ہو رہے ہیں۔ یہ نشست سردار علی محمد مہر کے انتقال کے بعد خالی ہوئی تھی۔ دریں اثناء وزیراعلیٰ نے گورنر سندھ کو استعفے سے آگاہ کرتے ہوئے درخواست کی ہے کہ آئین کے آرٹیکل 132(3) کے تحت ان کا استعفیٰ منظور کر لیا جائے۔
