شاہد آفریدی کا ہاکی ورلڈ کپ ہیرو منصور احمد کی عیادت کا اعلان

لاہور ؍اسلام آباد(اصغر علی مبارک) قومی کرکٹ ٹیم کے سابق کپتان شاہد آفریدی نے ہاکی ورلڈ کپ ہیرو منصور احمد کی عیادت کا اعلان کردیا ۔ میڈیا سے گفتگو کرتے ہوئے شاہد آفریدی کا کہنا تھا کہ وہ کراچی پہنچتے ہیں اولمپیئن منصو ر احمد کی عیادت کیلئے جائیں گے ، ان کی فاﺅنڈیشن قومی ہیرو کومشکل کی اس گھڑی میں تنہا نہیں چھوڑے گی اور کے علاج تمام خرچہ اٹھائے گی ۔
یاد رہے کہ قومی ہاکی ٹیم کے سابق کپتان اور سابق اولمپیئن منصور احمد کوڈاکٹرز نے ہارٹ ٹرانسپلانٹیشن کا مشورہ دیا ہے، ڈاکٹر نے ان کے دل میں پیس میکر نصب کردیا ہے تاہم ان کے پھیپڑوں نے بھی کام چھوڑدیا اور گردے بھی متاثرہوئے ہیں۔ ذرائع کے مطابق سابق گول کیپر منصور احمد کو ہارٹ ٹرانسپلانٹیشن کے لیے بھاری رقم درکار ہوگی ۔واضح رہے کہ منصور احمد نے 1994ءکے ورلڈ کپ فائنل میں ہالینڈ کیخلاف فیصلہ کن پنلٹی سٹروک بچا کر پاکستان کے چوتھی بار عالمی چیمپئن بننے میں مرکزی کردار ادا کیا تھا