وزیر اعظم اور ان کے بچوں کا رزق مشکوک قرار دے دیا گیا اور وہ اس پر جشن منا رہے ہیں جو کہ اخلاقی زوال کی علامت ہے، ابرار کیانی
پیرس(یس اردو نیوز) پاکستان تحریک انصاف کے سینئر راہنما ابرار کیانی نے کہا ہے کہ سپریم کورٹ نے حکمرانوں کی کمائی کو مشکوک قرار دے کر کمیشن کے سامنے پیش ہونے کا حکم دیا ہے اور وہ جشن منا رہے ہیں
اس ملک میں حکمرانوں اور عوامی نمائندوں کے اخلاقی پستی کا شکار ہونے کا یہ بد ترین ثبوت ہے۔ یہ ملک اب غیرت مند حکمرانوں کو ڈھونڈ رہا ہے اور ایسے حکمران ہی اس ملک کے نجات دہندہ بنیں گے جو کم از کم اتنی اخلاقی حیثیت کے حامل ہوں کہ ان پر انگلی اٹھے تو وہ جرم سامنے آنے پر ڈھٹائی کا مظاہرہ نہ کریں
