سعودی حکومت نے پاکستان کا حج کوٹہ بحال کر دیا ہے رواں سال چھتیس ہزار مزید عازمین حج کی سعادت حاصل کر سکیں گے۔ پاکستان سے کل ایک لاکھ اسی ہزار حاجی حج پر جا سکیں گے۔

Saudi government restored Hajj quota for Pakistan

ذرائع نے جیو نیوز کو بتایا ہے کہ سعودی وزارت حج نے پاکستان کا پرانا حج کوٹہ بحال کر دیا ہے جو حرم کی توسیع کے باعث کم کر دیا گیا تھا۔اس حوالے سے سعودی وزارت حج اور پاکستان کی وزارت مذہبی امور میں معاہدہ طے پا گیا ہے۔گزشتہ سال پاکستان سے ایک لاکھ ترتالیس ہزار عازمین حج پر روانہ ہو سکے تھے تاہم رواں سال ایک لاکھ اناسی ہزار دو سو دس عازمین حج پر روانہ ہو سکیں گے۔