اسلام آباد: بھارت کی ہٹ دھرمیوں کی وجہ سے سعودی عرب کی امن کوششیں ناکام ہو گیئں سعودی وزیر مملکت خارجہ عادل الجبیرنے پاکستان اور بھارت کاطے شدہ دورہ موخر کر دیا ہے۔
دفتر خارجہ کے ذرائع کے مطابق سعودی وزیر خارجہ عادل الجبیر نے پاک بھارت تناؤ کے تناظر میں دونوں ملکوں کا دورہ کرنا تھا۔ ذرائع کے مطابق عادل الجبیر نے ولی عہد محمد بن سلمان کا خصوصی پیغام پہنچانا تھا، عادل الجبیر کا دورہ ممکنہ طور پر ایک ہفتے کیلئے موخر ہوا ہے۔ ۔پاک بھارت پیدا ہونے والی کشیدگی کے پیش نظر بھارت ہر صورت جنگ کرنے پر تل گیا، سعودی وزیر خارجہ کے دورہ پاکستان موخر ہونے کی اصل وجہ سامنے آگئی، بھارتی قیادت کی جانب سے امن کی کوششوں کا مثبت جواب نہ دیے جانے کے بعد عادل الجبیر نے دورہ پاکستان اور بھارت موخر کیا۔
تفصیلات کے مطابق سعودی وزیر خارجہ کا دورہ پاکستان موخر کر دیا گیا ہے۔ سعودی وزیر خارجہ عادل الجبیر کی کل پاکستان آمد متوقع تھی تاہم اب دورہ موخر کر دیا گیا۔ اس حوالے سے فی الحال مزید تفصیلات فراہم نہیں کی گئیں۔ سعودی وزارت خارجہ نے وزیر خارجہ کے دورہ پاکستان موخر کرنے کی وجوہات بیان نہیں کیں۔ تاہم اس حوالے سے ذرائع نے بتایا ہے کہ بھارت کے رویے کی وجہ سے سعودی وزیر خارجہ کو اپنا دورہ پاکستان اور بھارت موخر کرنا پڑا ہے۔ سعودی وزیر خارجہ کو پاکستان سے قبل بھارت جانا تھا، تاہم بھارت کی جانب سے امن کی کوششوں کا مثبت جواب نہ دیے جانے پر سعودی وزیر خارجہ کو اپنا دورہ پاکستان اور بھارت موخر کرنا پڑا۔ ذرائع نے بتایا ہے کہ مودی سرکار الیکشن میں فتح کی خاطر ہر صورت پاکستان سے جنگ کرنے پر تل گئی ہے۔ اسی لیے امن کی کوششیں کرنے والے ممالک سے تعاون نہیں کیا جا رہا۔ اس سے قبل خبریں موصول ہوئی تھیں کہ سفارتی ذرائع کے مطابق سعودی وزیر مملکت برائے خارجہ امور کے دورے کے شیڈول میں تبدیلی ہو گئی ہے۔
