counter easy hit

اسلام کو دہشت گردی کے ساتھ جوڑنے کی ہر کوشش کی مذمت کرتے ہیں، سعودی وزیر خارجہ

اسلام آباد(ایس ایم حسنین) دنیا بھر میں ہونے والی دہشت گردی، انتہا پسندی اور نفرت پر اکسانے کی تمام کوششیں قابل مذمت ہیں اور ان کا دین اسلام سے کوئی تعلق نہیں۔ یہ بات اسلامی تعاون تنظیم ‘او آئی سی’ کے 47 ویں وزرا خارجہ اجلاس سے خطاب کرتے ہوئے سعودی عرب کے وزیر خارجہ شہزادہ فیصل بن فرحان نے کہی۔ ان کا کہنا تھا کہ اسلام کا دہشت گردی کے ساتھ کوئی تعلق نہیں، اسلام اور دہشت گردی کو آپس میں جوڑنے کی ہر کوشش کی شدید الفاظ میں مذمت کرتے ہیں۔ انہوں نے کہا کہ عالم اسلام خود اس وقت دہشت گردی کا شکار ہے اور دہشت گردی کے خلاف جنگ میں صف اول میں کھڑا ہے۔شہزادہ فیصل بن فرحان نے کہا کہ یمن کے حوثی دہشت گردوں کی طرف سے مملکت پر سینکڑوں بیلسٹک میزائل اور بمبار ڈرون حملے کئے گئے۔ انہوں نے کہا کہ حوثی ایک دہشت گرد گروپ ہے جو ایران کے اشاروں پر یمن میں تباہی پھیلانے کے ساتھ ساتھ سعودی عرب کی سلامتی کو بھی نقصان پہنچا رہا ہے۔

درایں اثنا او آئی سی کے سیکرٹری جنرل ڈاکٹر یوسف بن احمد العثیمین نے کہا ہے کہ دہشت گردی عصر حاضر کا کینسر ہے اور اسے جواز دینے کی کوششوں کو مسترد کرتے ہیں۔وزرا خارجہ اجلاس سے خطاب میں العثیمین نے کہا کہ ہم اسلام مخالف بیانئے کی شدید مذمت کرتے ہیں اور اسلام اور دہشت گردی کو آپس میں جوڑنے کی کوششوں کو مسترد کرتے ہیں۔ ان کا کہنا تھا کہ دنیا میں اسلامو فوبیا کی مکروہ مہم بین الاقوامی انسانی حقوق کے خلاف ہے

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website