سرائے عالمگیر (نمائندہ خصوصی )سرائے عالمگیر اور ملحقہ دیہات میں بارانِ رحمت ، خشک سردی کا خاتمہ، گندم کی فصل پر مثبت اثرات مرتب ہونگے ۔تفصیلات کے مطابق ملک کے بیشتر حصوں کی طرح بدھ اور جمعرات کی شب سے سرائے عالمگیر اور اس کے نواحی دیہات میں بارش کا سلسلہ جاری ہے جو جمعرات کے روز بھی صبح تک جاری رہا تاہم بعد میں بارش کا سلسلہ تھم گیا اور مطلع ابر آلود رہا۔بارش سے خشک سردی کا خاتمہ ہو جائے گا اور اس بارش کے گندم کی فصل پر مثبت اثرات مرتب ہونگے ،ماہر زراعت و ارضیات ڈاکٹر شوکت کا کہنا ہے کہ اس بارش کے باعث گندم کی فصل کی پیدوار میں خاطر خواہ اضافہ ہو گا اور کسان کو مالی فائدہ پہنچے گا۔
